Davíð Oddsson, forsetaframbjóðandi, ritstjóri Morgunblaðsins og fyrrverandi forsætisráðherra, segir að ákvörðun Breta að ganga úr Evrópusambandinu sé söguleg niðurstaða. Hann segir að almenningur hafi ekki látið taumlausan hræðsluáróður ráða för. Niðurstaðan sé dómur yfir forystu ESB.

Þetta kemur fram á Facebook-síðu Davíðs, en hann er á meðal fjölmargra sem hafa tjáð sig um þjóðaratkvæðagreiðsluna sem fór fram í gær. Hann segir að almenningur hafi sent miðstýringarvaldinu í Brussel skýr skilaboð: „Við höfnum sívaxandi afskiptum af innanríkismálum okkar, - við ætlum að endurheimta fullveldi okkar.“

Hann segir að niðurstaðan í Bretlandi sé dómur yfir forystu Evrópusambandsins fyrir óafsakanlegt klúður í málefnum flóttamanna og yfirgengilegum efnahagslegum þrengingum aðildarríkja. 

Hann segir ennfremur, að íbúar Evrópu standi frammi fyrir meiri óvissu en nokkru sinni. Nú velti á að haldið sé af festu á hagsmunum Íslendinga í hinu mikla umróti.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Davíð hafði rétt fyrir sér, Guðni Th. rangt