Slökktu eld á Akureyri

Slökkviliðið á Akureyri slökkti eld sem upp kom á háalofti …
Slökkviliðið á Akureyri slökkti eld sem upp kom á háalofti í dag. mbl.is/Árni Sæberg

Slökkviliðinu á Akureyri barst tilkynning um eld í háalofti í húsi við Norðurgötu rétt fyrir klukkan 11 í morgun.

Náði slökkviliðið að ráða niðurlögum eldsins, en ekki er vitað um upptök hans. Samkvæmt upplýsingum frá slökkviliðinu tók nokkurn tíma að slökkva endanlega í eldinum, en hann hafi ekki verið mikill.

Töluverðan reyk hafi þó gert vegna eldsins, sem borist hafi inn í aðra íbúð í húsinu. Reykræstingu er nú lokið og tekur lögregla við rannsókn málsins.

mbl.is
Fleira áhugavert
Fleira áhugavert