Samkvæmt viðtali við ónafngreindan mann lést Geirfinnur Einarsson í umferðarslysi þegar ekið var á hann á Keflavíkurvegi skammt frá Straumsvík.

Þetta kemur fram í viðtali við manninn í nýrri bók Ómars Ragnarssonar, Hyldýpið.

Þar viðurkennir maðurinn að hafa ekið á Geirfinn og hent líkinu í gjótu í hrauninu, að því er Rúv greindi frá.

Ómar skrifaði bókina að mestu fyrir fjórtán árum síðan. Þar tók hann viðtöl við konu og karlmann sem bæði tengjast hvarfi Geirfinns.

Ómar Ragnarsson. mbl.is/Sigurður Bogi Sævarsson

Frétt mbl.is: Birtir nýjar upplýsingar um Geirfinnsmálið

Maðurinn ónafngreindi er enn á lífi að sögn Ómars en hann hefur ekki talað við hann í tólf ár.  Konan er aftur á móti látin. Ómar hét fólkinu nafnleynd þegar hann ræddi við það.  

Hvorki Björn L. Bergsson, formaður endurupptökunefndar, né Davíð Þór Björgvinsson, settur ríkissaksóknari í Guðmundar- og Geirfinnsmálinu, hafa lesið bók Ómars.  

Tengdar fréttir

Guðmundar- og Geirfinnsmál

Nýju ljósi varpað á Guðmundar- og Geirfinnsmál

• Ríkið þarf að greiða Alberti 26 milljónir
• „Þetta er auðvitað algjörlega galið“
• Skilur eftir sár sem munu aldrei gróa
• Hagsmunir ríkisins að ljúka máli Erlu

» Fleiri tengdar fréttir

• Blogga um frétt