Fyrsti þingfundur eftir rúmlega tveggja mánaða sumarleyfi hefst kl. 15 í dag með óundirbúnum fyrirspurnatíma og munnlegri skýrslu forsætisráðherra um stöðu þjóðmála. Útlit er fyrir að þetta þing verði stutt þar sem forsvarsmenn ríkisstjórnarflokkanna hafa boðað að kosningar fari fram 29. október.

Alþingi kom síðast saman 8. júní. Á eftir skýrslu Sigurðar Inga Jóhannssonar taka við fyrirspurnir stjórnarandstöðuþingmanna til ráðherra ríkisstjórnarinnar. Össur Skarphéðinsson ber fram tvær fyrirspurnir til utanríkisráðherra, um loftferðasamning við Japan annars vegar og framsal íslenskra fanga hins vegar.

Þá spyr Bjarkey Olsen Gunnarsdóttir, þingmaður Vinstri grænna, menntamálaráðherra um læsisátak og samflokksmaður hennar, Svandís Svavarsdóttir, spyr hann um íslenskt táknmál og stuðning við það.

Dagskrá þingfundar í dag

Tengdar fréttir

Alþingiskosningar 2016

Brutu lög með SMS-skilaboðum

• Skýrslan var tilbúin fyrir kosningar
• Lítill stuðningur við ríkisstjórnina
• „Báknið byggt upp“
• Gaf frá sér formennsku í þremur nefndum

» Fleiri tengdar fréttir

• Blogga um frétt