Það er hæg breytileg átt og allvíða þokuloft framan af degi. Meðal annars er þoka yfir höfuðborgarsvæðinu og fremur kalt í veðri.
Skýjað með köflum og skúrir eftir hádegi, einkum í innsveitum. Norðaustan 5-10 m/s á morgun og súld eða dálítil rigning, en hægari vindur sunnan til á landinu og skúrir. Hiti yfirleitt á bilinu 8 til 16 stig, hlýjast suðvestanlands, samkvæmt upplýsingum frá Veðurstofu Íslands.
Á föstudag:
Norðaustan 5-10 m/s og súld eða rigning, en hægari vindur sunnan til á landinu og skúrir, einkum síðdegis. Hiti 9 til 16 stig, hlýjast S-lands.
Á laugardag:
Hæg breytileg átt, en norðaustan 5-10 á Vestfjörðum og annesjum nyrst á landinu. Skúrir eða rigning víða um land, hiti 8 til 14 stig.
Á sunnudag og mánudag:
Hægviðri, skýjað með köflum og skúrir í flestum landshlutum. Hiti víða 10 til 15 stig.
Á þriðjudag og miðvikudag:
Útlit fyrir austan- og norðaustanátt. Rigning með köflum suðaustan- og austanlands, en þurrt að kalla í öðrum landshlutum. Hiti 8 til 16 stig, hlýjast um landið suðvestanvert.