Segir Gústaf Níelsson vera ný-rasista

Gústaf Níelsson.
Gústaf Níelsson. mbl.is/Jim Smart

„Gústaf er ekki fórnarlamb í þessu máli. Fórnarlömbin eru börn múslima hér á Íslandi sem þurfa að lifa við þennan viðbjóðslega málflutning dag eftir dag,“ sagði Gunnar Waage, ritstjóri Sandkassans, í umræðuþættinum Sprengisandi á Bylgjunni í morgun.

Þar mætti hann Gústafi Níelssyni sagnfræðingi og tókust þeir á um innflytjendamál. Heimir Karlsson stjórnaði þættinum. „Ef Gústaf heldur að málflutningur hans hafi ekki áhrif á börn og unglinga múslima er hann alvarlega illa áttaður,“ sagði Gunnar.

Segir Gústaf vera ný-rasista

Gunnar birti nýverið lista yfir „Íslenska ný-rasista“ en Gústaf er einn þeirra sem ratað hefur á listann. Í þættinum sagði Gunnar að Gústaf hefði lengi haldið uppi hatursfullum málflutningi í fjölmiðlum í garð innflytjenda, þá sérstaklega múslima, samkynhneigðra og jafnvel femínista. Því væri hann ný-rasisti samkvæmt skilgreiningu sem lögð er fram í skýrslu frá mannréttindaskrifstofu Reykjavíkurborgar.

Lýsti hann ný-rasisma sem hvers kyns mismunun á grundvelli litarháttar, þjóðernis, trúar, uppruna og þjóðfélagsstöðu svo eitthvað sé nefnt. „Fólk er ekki á þessum lista vegna þess að mér líkar illa við það heldur vegna þess að ég máta það við þessa skilgreiningu,“ sagði Gunnar.

„Mas út í bláinn hjá blessuðum manninum“

„Þetta er mas út í bláinn hjá blessuðum manninum,“ sagði Gústaf og þvertók fyrir að hann tilheyrði einhverjum sérstökum hópi ný-rasista. Sagði hann að orðið ný-rasisti væri merkingalaus orðaleppur sem notað væri af fólki um fólk sem væri ósammála því. „Það er ekki boðlegt í alvarlegri þjóðmálaumræðu.“

Gústaf sagði það lýsa dómgreindarleysi Gunnars að hann skyldi útbúa lista sem þennan, „sérstaklega í ljósi ástandsins í Evrópu“. „Það er fjöldi fólks tekinn af lífi af handahófi á almannafæri. Maður hefur enga hugmynd um hvað svona listi gæti haft í för með sér,“ sagði Gústaf. „Öfgamennirnir rökræða ekki. Þeir bara skjóta og skrækja. Ég tel að svona listi geti verið hættulegur.“

Gunnar sagðist ekki hafa hugleitt að listinn gæti verið hættulegur og sagði Gústaf sjálfan þurfa að bera ábyrgð á orðum sínum. „Ég tek ekki ábyrgð á mannfjandlegum skoðunum fólks,“ sagði hann. Gústaf svaraði honum um hæl og sagði: „Þú ættir að skammast þín fyrir að setja saman svona lista.“

Vill hafa mann í hliðunum

Gústaf sagðist þó vissulega hafa um árabil tekið þátt í þjóðmálaumræðu hvað varðar „íslamsvæðingu Evrópu“. „Ég er einn af fjölmörgum mönnum sem hef verið að vara við þessari þróun og vara við því að Ísland lendi í sama pyttinum og skandínavískar þjóðir,“ sagði Gústaf.

Sagði hann „stjórnlausa hömlulausa fjölgun fólks sem fyrirlítur lifnaðarhætti okkar, vill ekki aðlagast og vill ekki fara að lögunum okkar“ vera áhyggjuefni.

„Ég vil hafa mann í hliðunum. Ég vil gæta heimilis míns,“ sagði Gústaf og bætti við að hann teldi múslima eiga erfitt með að skilja að hér á landi gildi íslensk lög. „Þeir eru alltaf hljóðlátir þar til þeir verða margir.“

„Maður sem er að valda íslensku þjóðfélagi skaða“

„Það sem ég er að segja er að við eigum að fara varlega í öllu. Ísland er 300 þúsund manna friðsælt og einsleitt samfélag. Hér þekkja allir alla. Svo koma stjórnmálamenn og segjast vera að byggja upp fjölmenningarsamfélag. Í Evrópu eru menn búnir að átta sig á því að fjölmenningarsamfélag gengur ekki upp. Þú myndar afkima í landinu. Það eru til að mynda 50-60 svæði í Svíþjóð þar sem lögregla hættir sér ekki einu sinni. Þá er ríkið ekki fullvalda lengur – ég vil ekki þessa þróun,“ sagði Gústaf. 

Þá sagði Gunnar að það væri út í hött hjá Gústafi að bera Ísland saman við skandínavísk lönd þar sem löndin ættu ekkert sameiginlegt. „Ísland á ekkert sameiginlegt með Danmörku og Svíþjóð hvað þetta varðar. Þetta eru lönd sem eru með galopið félagslegt kerfi, mun opnara velferðarkerfi en við og taka á móti mun meiri fjölda en við. Það er ekkert í farvatninu um slík áform svo það er bara verið að mála upp völvuspákonuvitleysu um að allt stefni hér í óefni.“

„Þú ert að hegða þér eins og Nostradamus og málar skrattann á vegginn,“ sagði Gunnar. „Ég er að tala við mann sem er að valda íslensku þjóðfélagi skaða.“

mbl.is

Innlent »

Endurupptaka Geirfinnsmálsins peningasóun

22:01 Jón Gunnar Zoëga, lögmaður og réttargæslumaður Valdimars Olsen sem sat saklaus í gæsluvarðhaldi grunaður um aðild að hvarfi Geirfinns Einarssonar, segir það peningasóun að taka Guðmundar- og Geirfinnsmálin upp að nýju fyrir dómstólum. Þau seku í málinu hafi verið dæmd. Meira »

Missti af því að byrja að drekka

21:20 Marta Magnúsdóttir segir að í skátunum hætti enginn að leika sér. Þessi 23 ára skátahöfðingi Íslands hefur ferðast víða um heim og er meira að segja pólfari. Hún er uppalin í Grundarfirði og unir sér illa í borgum. Hún segir að það besta við að vera í skátunum sé að maður fái að vera maður sjálfur. Meira »

Stormur og hellidemba á morgun

20:45 „Þetta er nú lítið spennandi veður. Mikið vatnsveður og hvasst með þessu en þetta er ekki mest spennandi laugardagur sem við höfum upplifað,“ segir Theodór Freyr Hervarsson, veðurfræðingur á Veðurstofu Íslands, um veðrið á morgun. Meira »

Hatursorðræða er samfélagsmein

20:20 Ísland er langt á eftir norrænum ríkjum þegar kemur að umræðu og lagasetningu um hatursorðræðu. Þetta kom fram á ráðstefnu um hatursorðræðu í íslensku samfélagi sem fram fór í Hörpu í dag á vegum Æskulýðsvettvangsins. Meira »

Stjórnarráðið lýst upp í fánalitunum

19:54 Stjórnarráð Íslands hefur nú fengið á sig nýja lýsingu, sem hægt er að hafa í íslensku fánalitunum. Það er lýsingarteymi Verkís sem á heiðurinn af hönnun nýju lýsingarinnar sem nær yfir allar hliðar byggingarinnar, utan bakhliðarinnar. Meira »

Gagnrýndi kjarnorkutilraunir N-Kóreu

19:32 Guðlaugur Þór Þórðarson utanríkisráðherra, gagnrýndi eldflauga- og kjarnavopnatilraunir Norður-Kóreustjórnar og efnavopnaárásir Sýrlandsstjórnar í ávarpi sínu á allsherjarþingi Sameinuðu þjóðanna í New York í dag. Þá lýsti Guðlaugur Þór yfir áhyggjum af aðstæðum Rohingya í Myanmar. Meira »

Áhættusöm myndataka við Gullfoss

19:20 Ferðamaður tók mikla áhættu í klettunum við Gullfoss fyrir nokkru, að því er virðist í þeim tilgangi að láta taka mynd af sér við fossinn. „Það var enginn sem var að skipta sér af þessu og enginn sem var með eftirlit þarna virðist vera.“ Meira »

Akstur krefst fullrar athygli

19:30 Vertu snjall undir stýri nefnist átak sem Slysavarnafélagið Landsbjörg ýtti nýverið úr vör. Tilgangur þess er að vekja bílstjóra til umhugsunar um þá miklu ábyrgð sem fylgir því að vera úti í umferðinni og nota snjalltæki undir stýri með mögulegum lífshættulegum afleiðingum. Meira »

Teikaði vespu á hjólabretti og fékk bætur

19:11 Héraðsdómur Reykjavíkur úrskurðaði í dag að Vátryggingafélags Íslands (VÍS) skyldi greiða helming þess tjóns sem ungur maður varð fyrir þegar hann datt á hjólabretti, sem dregið var áfram af vespu sem var á töluverðri ferð. Meira »

Fjármagnið minna en ekkert

18:36 Það fjármagn sem rennur til Landspítalans er minna en ekkert þegar öll kurl eru komin til grafar. Þetta segir Páll Matthíasson, forstjóri Landspítalans, í vikulegum pistli sínum á vef spítalans. Hann gerir ráð fyrir að heilbrigðismálin verði aftur ofarlega á baugi í kosningabaráttunni. Meira »

Bullum, gerum grín og stríðum hvert öðru

18:30 Vinskapurinn milli þeirra Siggu, Jogvans og Guðrúnar hefur vaxið með samstarfi þeirra í söng og þau hittast oft í hádeginu til að hlæja. Þau ætla að skemmta gestum sínum í kvöld í þrítugasta sinn, og hlæja mikið. Þau skemmta sér sjálf manna best á tónleikunum þar sem þau segja sögur og gera grín hvert að öðru. Meira »

Gáfu styttuna af Ingólfi Arnarsyni

18:20 Í tilefni af 150 ára afmæli Iðnaðarmannafélagsins í Reykjavík hefur verið gerð heimildarmynd um sögu þess. Árið 1924 gaf félagið íslensku þjóðinni styttu af Ingólfi Arnarsyni sem Knud Zimsen borgarstjóri og fyrrverandi formaður Iðnaðarmannafélagsins afhjúpaði við hátíðlega athöfn. Meira »

Með frumvarp fyrir framkvæmdum í Teigsskógi

18:05 Sjö þingmenn Norðvesturkjördæmis ætla á næsta þingfundi að leggja fram frumvarp þess efnis að Vegagerðinni verði veitt leyfi til framkvæmda á leið Þ-H á Vestfjarðavegi, sem liggur um Teigsskóg í vestanverðum Þorskafirði. Meira »

Börn fái nauðsynlega vernd

17:25 Logi Einarsson, formaður Samfylkingarinnar, sagði að loknum fundi formanna flokkanna með forseta Alþingis að umræður um breytt útlendingalög hefðu ekki verið á þann veg sem hann hefði viljað sjá, þannig að breytingarnar tryggðu börnum fullnægjandi réttindi. Meira »

Fjarar undan tillögum um stjórnarskrá

16:09 Bjarni Benediktsson forsætisráðherra sagði að loknum fundi með hinum formönnum flokkanna og forseta Alþingis að málin þokist í rétta átt, til dæmis hvað varðar uppreist æru. „Mér sýnist að menn séu komnir með niðurstöðu um það. Síðan eru önnur mál sem eru aðeins flóknari að ná utan um.“ Meira »

„Þeirra leið til að brjóta mann niður“

17:55 „Ég gæti setið hérna í allan dag og sagt ykkur sögur, því miður,“ segir Pape Mamadou Faye, framherji Víkings Ólafsvík. Sögurnar sem hann á við tengjast allar fordómum og/eða hatursorðræðu á einhvern hátt. Meira »

Hnepptur í gæsluvarðhald

16:41 Héraðsdómur Reykjavíkur féllst í dag á að erlendur karlmaður á fertugsaldri væri dæmdur í gæsluvarðhald. Það gildir í eina viku og er veitt á grundvelli rannsóknarhagsmuna. Meira »

Hjólreiðar verði raunhæfur samgöngukostur

16:00 Hjólreiðar eiga að vera raunhæfur kostur enda draga þær úr umhverfisáhrifum, lækka samgöngukostnað og minnka orkuþörf. Þetta sagði Jón Gunnarsson samgöngu- og sveitarstjórnarráðherra í ávarpi sínu á ráðstefnunni Hjólum til framtíðar, sem haldin var í tilefni Samgönguviku. Meira »
Lincoln Capri Landau árg. 1957
Bíllinn er lítið ekinn og aðeins tveir eigendur frá upphafi í USA og einn hér he...
Íslenskir stálstólar nýklæddir 4stykki og fleiri
er með nokkra Ísl. stálstóla, nýtt áklæði, í góðu standi á 12.500 kr. STYKKIÐ. ...
Teikning eftir Mugg til sölu
Til sölu blýants- og tússteikning eftir Mugg, stærð 17,5x22 cm. Úr seríunni Sjöu...
 
Maat á umhverfisáhrifum
Tilkynningar
Mat á umhverfisáhrifum Athu...
Fundarboð
Fundir - mannfagnaðir
Kjördæmisráð Sjálfstæðisflokksins ...
Félagsstarf
Staður og stund
Aflagrandi 40 Hjá okkur er opin vinnusto...
L edda 6017091919 i fjhst
Félagsstarf
? EDDA 6017091919 I Fjhst Mynd af au...