Guðni Th. Jóhannesson forseti leiddi hlaupara í heiðurshring með kyndil Sri Chimnoy-heimseiningarfriðarhlaupsins á Kópavogsvelli í dag. Hringurinn var farinn eftir Hjartadagshlaupið sem fór fram í dag og forsetinn tók þátt í.
Tilefnið var fyrsta heimsókn Sri Chinmoy-heimseiningarfriðarhlaupsins til Grænlands en á morgun munu íslenskir þingmenn afhenda Grænlendingum friðarkyndilinn, að því er segir í tilkynningu frá friðarhlaupinu.
Friðarhlaupið er alþjóðlegt kyndilboðhlaup sem kennt er við stofnandann Sri Chinmoy. Tilgangur þess er að efla frið, vináttu og skilning manna og menningarheima á milli.