Tvær þyrlanna ekki í notkun

Tvær af þremur þyrlum Landhelgisgæslunnar eru ekki í notkun, önnur vegna bilunar en hin er í reglubundinni skoðun eftir 500 flugtíma. Þriðja þyrlan aðstoðaði við leit að rjúpnaskyttunum tveimur á sunnanverðu Snæfellsnesi í nótt.

Hún var hins vegar ekki send aftur út í morgun, þar sem skyggni var afar lélegt og þyrlan hefði ekki komið að neinu gagni.

Samkvæmt upplýsingum frá Landhelgisgæslunni bilaði önnur þyrlan á æfingu á föstudaginn. Búið er að panta varahluti í hana og gert er ráð fyrir að hún komist í lag á morgun. Óvíst er hversu lengi ástandsskoðunin mun taka á hinni þyrlunni en hún verður eflaust frá í nokkra daga.

• 2 blogg um fréttina

Bloggað um fréttina

• Ómar Ragnarsson: Viðhald þyrlna krefst tvöfalt stærri flota af þeim en flugvélum.
• Íslenska þjóðfylkingin: Við núverandi ástand þyrlumála verður ekki unað til lengdar