Jarðskjálfti af stærðinni 4,0 reið yfir í skjálftahrinu sem hófst kl. 4.51 í nótt í norðanverðri Bárðarbunguöskjunni. Hrinan stóð yfir í um fjörutíu mínútur og fylgdi tugur eftirskjálfta í kjölfarið, að því er kemur fram í tilkynningu frá Veðurstofu Íslands.
Af eftirskjálftunum voru nokkrir yfir þremur að stærð. Enginn órói er sjáanlegur samfara þessum skjálftum. Frá því um kl. 6 hefur verið rólegt á svæðinu.