Úrslitin í heimsmeistaraeinvígi Magnusar Carlsen og Sergei Karjakin ráðast í kvöld og af því tilefni er opið hús hjá Skáksambandi Íslands.
Að sögn Gunnars Björnssonar, forseta Skáksambands Íslands, er stemningin gríðarlega góð í húsinu og eru þar hátt í eitt hundrað manns.
„Hérna er mjög góð stemning og mikil spenna. Menn klappa og það er kallað,“ segir Gunnar. Carlsen og Karjakin keppa í atskák til að knýja úr um úrslitin. Staðan er 2-1 fyrir Magnus í þessari fjögurra leikja atskákaseríu.
Gunnar segir að flestir viðstaddir haldi með Carlsen en margir hafi dáðst að Karjakin fyrir góða varnartaflmennsku. „Hann hélt jafntefli í annarri skákinni á magnaðan hátt,“ segir hann.
Svo gæti farið að teflt verði til miðnættis. Ef staðan verður 2-2 að loknum fjórum skákum verður framlengt.
Hér má fylgjast með skákinni.