Sóknarprestur og formaður sóknarnefndar Hafnarfjarðarkirkju harma að þjófnaður í kirkjunni hafi verið tengdur við tiltekna aðila, eins og AA-fólk sem sækir fundi í Góðtemplarahúsinu sem er skammt frá kirkjunni.
Í Morgunblaðinu í gær var haft eftir Ottó R. Jónssyni, staðarhaldara í Hafnarfjarðarkirkju, að fólk af ýmsu sauðahúsi sækti fundina og tengdi hann þjófnaðina jafnvel við „óprúttna aðila“ í þeim hópi.
Í sömu frétt var það haft eftir Helga Gunnarssyni, lögreglufulltrúa í Hafnarfirði, að ekkert samband væri á milli fólksins sem sækir fundina og þjófnaðanna.