Innlent | Morgunblaðið | 16.1.2017 | 7:57

Sterk trú, lífsreynsla og fullt af tækifærum

Séra Erla Björk Jónsdóttir og dætur hennar tvær, Auður Rós (t.v.) og Freydís Lilja. Til hægri er séra María Rut Baldursdóttur með synina tvo; Patrik Nóa Eyþórsson, sem hún heldur á, og í miðju er Elías Bjarmi. mbl.is/Sigurður Bogi Sævarsson

Tvær ungar konur, báðar mæður með tvö börn, voru í gær vígðar til prestsþjónustu við guðsþjónustu í Dómkirkjunni í Reykjavík.

Þetta eru María Rut Baldursdóttir, sem verður prestur á Hornafirði, og Erla Björk Jónsdóttir, sem tekur við embætti héraðsprests á Austurlandi með aðsetur á Reyðarfirði.

Í umfjöllun um mál þetta í Morgunblaðinu í dag segir, að hefðum samkvæmt var það biskup Íslands, sr. Agnes M. Sigurðardóttir, sem annaðist vígsluna og gaf stöllunum veganesti til starfa á akrinum.