Rafmangslaust er á Fljótsdalshéraði. Samkvæmt upplýsingum mbl.is fór rafmagnið af um korter yfir níu í morgun.
Hvergi er ljós nema á Egilsstaðaflugvelli og á sjúkrahúsinu.
Á vefsíðu Landsnets kemur fram að truflun hafi orðið í tengivirkinu í Fljótsdal og í kjölfarið hafi orðið truflanir á byggðalínunni. Unnið er að uppbyggingu kerfisins.
Þar kemur einnig fram að straumlaust sé víða á Austurlandi.
Uppfært kl. 10.16:
Rafmagnið er aftur komið á á Fljótdalshéraði. Á vefsíðu Landsnets segir að byggðalínuhringur hafi verið tengdur saman að nýju og kerfið sé að komast í eðlilegan rekstur.