Fyrirhugað er að taka fyrstu skóflustunguna að nýju heilsuvöruhúsi á Reykjanesi í vor, þar sem framleitt verður kollagenprótein úr þorskroði.
Að því standa fjögur af stærstu sjávarútvegsfyrirtækjum landsins; HB Grandi, Vísir, Þorbjörn og Samherji, ásamt nýsköpunarfyrirtækinu Codland.
Kollagenprótein er m.a. notað í heilsufæði, fæðubótarefni og lyf og við framleiðsluna verður notast við jarðvarma af Reykjanesi, að því er fram kemur í umfjöllun um þessi áform í ViðskiptaMogganum í dag.