Sigurður Ólafur Sigurðsson, ljósmyndari Slysavarnafélagsins Landsbjargar, deildi hjartnæmri færslu á Facebook-síðu sinni í gærkvöldi. Sigurður hefur gegnt ýmsum hlutverkum sem sjálfboðaliði í aðgerðum björgunarsveita í gegnum tíðina, bæði sem leitarmaður og leitarstjórnandi.
Í færslunni segir hann að það sé þó fyrst núna, eftir að hann tók við hlutverki ljósmyndara Landsbjargar, að hann geri sér almennilega grein fyrir því hve magnað starf björgunarsveita og annarra viðbragðsaðila er. Þá segir Sigurður einstakt, þótt tilefnið sé dapurlegt, að sjá samtakamáttinn í félögum sínum í björgunarsveitunum og ekki síður fyrirtækjum og almenningi sem hefur lagst á eitt við leitina að Birnu Brjánsdóttur.
„Alla vega, á morgun kemur nýr dagur og ný tækifæri til að finna Birnu. Eins og svo oft áður við svipaðar aðstæður veit ég að við höfum öll hugann hjá henni, fjölskyldu hennar og vinum.“
Hér að neðan má sjá færsluna í heild sinni: