„Það er ekkert að frétta af viðræðum,“ segir Heiðrún Lind Marteinsdóttir, framkvæmdastjóri Samtaka fyrirtækja í sjávarútvegi, um stöðuna í kjaradeilu sjómanna.
Hún segist allt eins eiga von á því að fátt gerist fyrr en ríkissáttasemjari boði til fundar, en samkvæmt lögum ber honum að boða til fundar innan tveggja vikna frá því að slitnaði upp úr viðræðum deiluaðila 23. janúar síðastliðinn.
„Við höfum fundað með baklandi okkar undanfarið, vorum á Vestfjörðum og Snæfellsnesi í síðustu viku og verðum á Austurlandi, Norðurlandi og Vestmannaeyjum í næstu viku. Þannig að við erum nú bara að taka púlsinn á félagsmönnum og sjá hvort einhver möguleiki er að kasta línu til að ná landi.“