Atvinnuveganefnd Alþingis sendi Þorgerði Katrínu Gunnarsdóttur sjávarútvegsráðherra harðort bréf á fimmtudagsmorgun þar sem þess var farið á leit að úttekt yrði gerð þjóðhagslegum áhrifum sjómannaverkfallsins og óskað eftir því að úttektin bærist nefndinni fyrir 9. febrúar næstkomandi.
Aðfaranótt fimmtudagsins hafði sjávarútvegsráðherra tíst um það á Twitter að hafin væri úttektarvinna í ráðuneytinu.
Páll Magnússon, formaður atvinnuveganefndar, segir í umfjöllun um mál þetta í Morgunblaðinu í dag, að vissulega bæru deiluaðilar á sjómannadeilunni ábyrgð á því að semja en stjórnvöld bæru einnig ábyrgð gagnvart samfélaginu, að auðlindin væri nýtt, og deilan gæti þannig komið til kasta stjórnvalda.