Kári blés heldur hressilega í Vestmannaeyjum í morgun, eins og víða um sunnan- og vestanvert landið. Vindurinn fór mest upp í 36 m/s í hviðum á veðurathugunarstöðinni í Stórhöfða.
Þakplötur og fleira lauslegt fauk eins og lauf í vindi við Heimaklett rétt fyrir hádegi, þegar vindurinn var hvað mestur.
Í meðfylgjandi myndskeiði má sjá svipmyndir frá óveðrinu í Vestmannaeyjum fyrr í dag.