Hús sem flutt var af lóð á Laugavegi 4 og 6 vegna framkvæmda þar var endurflutt á fyrri stað í gær. Styttist nú í endann á framkvæmdum við byggingu sem tengir Laugaveg 4 og 6 og Skólavörðustíg 1a.
Húsið Laugavegur 4 var byggt árið 1890 og Laugavegur 6 var byggt sem íbúðarhús árið 1871, að því er fram kemur í Morgunblaðinu í dag.
Félagið Laugastígur stendur að byggingunni á reitnum en verktakinn Prima sér um framkvæmdina. Tók fyrirtækið við verkinu af Brotafli í maí síðastliðnum eftir að upp komu ásakanir um skattalagabrot.