„Við ætlum að hittast í næstu viku og ég býst við því að við munum skila af okkur á þriðjudag eða miðvikudag.“
Þetta segir Halldór Benjamín Þorbergsson, framkvæmdastjóri Samtaka atvinnulífsins, í Morgunblaðinu í dag, spurður um niðurstöðu forsendunefndar SA og ASÍ, en á þeim vettvangi er farið yfir forsendur kjarasamninga á almennum vinnumarkaði.
Halldór segir ekki tímabært að ræða efnislega um mögulegan forsendubrest kjarasamninga og vísar til væntanlegrar niðurstöðu forsendunefndarinnar.