Þrjú innbrot á Selfossi

mbl.is/Þórður

Lögreglan á Suðurlandi telur að sömu aðilar hafi verið á ferðinni í þremur innbrotum í íbúðarhús á Selfossi í gær og í dag.

Innbrotin eru talin hafa átt sér stað að kvöldlagi og einnig að morgni dags á Engjavegi, við Gesthús og í Ártúnshverfi.

Lögregla vill hvetja fólk til að vera á varðbergi gagnvart hugsanlegum gerendum og tilkynna grunsamlegar mannaferðir til lögreglu. Jafnframt óskar lögregla eftir hvers kyns upplýsingum sem almenningur kann að búa yfir og varpað gætu ljósi á málið.

Hægt er að ná sambandi við lögreglu alla virka daga milli klukkan 8 og 16 í síma 444-2000, í gegnum netfangið sudurland@logreglan.is eða í gegnum Fésbókarsíðu lögreglunnar.

mbl.is
Fleira áhugavert
Fleira áhugavert