Þorgrímur Leifsson, framkvæmdastjóri Frostfisks og stjórnarmaður í Samtökum fiskframleiðenda og útflytjenda (SFU), segir ómögulegt að áætla hversu miklu tjóni fiskframleiðendur og útflytjendur hafi orðið fyrir vegna sjómannaverkfallsins, en það sé þó ljóst að tjónið sé mjög mikið.

„Auðvitað er þetta mikið tjón sem við höfum orðið fyrir,“ sagði Þorgrímur í samtali við Morgunblaðið í gær og bætti við að sjálfsagt myndi líða talsverður tími, áður en hægt væri að meta það með einhverri vissu, hversu mikið og varanlegt tjónið væri.

„Þetta er tjón fyrir okkur, fiskframleiðendur og útflytjendur, menn sem ekkert hafa gert af sér, og hafa neyðst til þess að sitja heima á meðan sjómenn og útgerðarmenn hafa rifist í tæpar tíu vikur. Þetta er mjög alvarlegt mál, því markaðir hafa tapast, kannski í einhverjum tilvikum tímabundið en í öðrum tilvikum varanlega,“ segir Þorgrímur í umfjöllun um mál þetta í Morgunblaðinu í dag.

Tengdar fréttir

Kjaramál sjómanna

„Þetta er hrein og klár misnotkun“

• Sjómönnum tryggt 54% meira fyrir þorskinn
• „Er þetta réttlát skipting?“
• „Nóg er komið af rugli og misskilningi“
• Níu ára stöðugleikaskeið í kjaramálum sjómanna

» Fleiri tengdar fréttir