„Ég er andstæðingur frumvarpsins en við þurfum auðvitað að leyfa málinu að ganga fram,“ sagði Ásmundur Friðriksson, þingmaður Sjálfstæðisflokksins, á Alþingi í dag í umræðum um störf þingsins við upphaf þingfundar um svonefnt áfengisfrumvarp.

Hins vegar gagnrýndi Ásmundur þingmenn fyrir það að tala annars vegar um að tíma þingsins væri illa varið í slíkt frumvarp, sem hann væri sammála, en færu síðan hver á fætur öðrum upp í pontu til þess að ræða frumvarpið fram og til baka og lengja þannig þann tíma sem færi í umfjöllun um það. Þannig væri komið í veg fyrir að frumvarpið, sem hann sagði „óheppilegt“ fengi þinglega meðferð.

„Það verður náttúrlega að vera í þessu máli eins og öðrum, málið verður að komast til nefndar og síðan verður þingið að fá að segja skoðun sína á því. Ég verð eins og hver annar þingmaður að beygja mig undir það.“

Tengdar fréttir

Vín í verslanir

Samdráttur í sölu á rauðvíni í fyrra

• Vefsala áfengis verði heimiluð
• Segir lýðheilsufólk neita að horfast í augu við stöðuna
• Lýðheilsumat gæti haft áhrif
• Frekar ætti að skoða að fækka áfengisverslunum

» Fleiri tengdar fréttir

• Blogga um frétt