Á vef Vínbúðanna er rakið að minni sala hafi verið í flestum söluflokkum á síðasta ári en árið á undan. Þannig dróst sala á rauðvíni saman um 7% en sala á rósavíni jókst hins vegar um tæp 4%. Vinsældir ávaxtavína eru á hraðri niðurleið og minnkaði sala á þeim um 15% milli ára. Á sama tíma jókst sala á freyðivíni og kampavíni um 4%.

Frétt af mbl.is

Samdráttur í sölu ÁTVR fyrir jólin

Sala á vodka og ókrydduðu brennivíni stóð í stað en vinsældir gins fara minnkandi samkvæmt tölum ÁTVR. Svokallaðir blandaðir drykkir sem notið hafa mikilla vinsælda síðustu ár seldust verr í fyrra en árið áður. Nam samdrátturinn 5%.

Sem fyrr selst mest af lagerbjór í Vínbúðunum. Í fyrra seldust ríflega 17 milljónir lítra af lagerbjór þar, sem var þó litlu minna en árið á undan. Vinsældir annarra bjórtegunda, svo sem öls og ýmiss handverksbjórs, eru greinilega á undanhaldi. Tæplega 10% samdráttur varð í sölu á öli en 5% í flokki annarra bjórtegunda.

Áframhaldandi samdráttur varð í sölu á tóbaki. Ríflega 10 tonn seldust af neftóbaki sem er 23% samdráttur á milli ára. Um 6% samdráttur varð í sölu á reyktóbaki, 10% í sölu á sígarettum og rúmlega 12% samdráttur í sölu á vindlum.

Tengdar fréttir

Vín í verslanir

Vefsala áfengis verði heimiluð

• Segir lýðheilsufólk neita að horfast í augu við stöðuna
• Lýðheilsumat gæti haft áhrif
• Frekar ætti að skoða að fækka áfengisverslunum
• Segir nauðsynlegt að standa vörð um lýðheilsu

» Fleiri tengdar fréttir