Það verður víða bjart og fallegt vetrarveður og hægviðrasamt út vikuna. Hiti víða nálægt frostmarki að deginum en talsvert næturfrost inn til landsins, segir á vef Veðurstofu Íslands.
Norðaustan 3-10 m/s, en norðan 8-15 austast. Dálítil él NA-til, en annars víða léttskýjað. Hiti um og yfir frostmarki að deginum, en víða vægt frost inn til landsins. Talsvert næturfrost.
Á miðvikudag, fimmtudag og föstudag:
Hæg austlæg eða breytileg átt og víða léttskýjað. Norðan 8-13 m/s austast á landinu og lítils háttar él. Frost 1 til 12 stig, kaldast inn til landsins.
Á laugardag og sunnudag:
Austan 3-8, en 8-13 með suðurströndinni. Bjart veður norðan- og vestan til á landinu, en dálítil él suðaustanlands. Frost 0 til 7 stig, mest í innsveitum fyrir norðan. Hlýnar lítið eitt á sunnudag.
Á mánudag:
Austlæg átt, rigning eða slydda sunnan- og austanlands, en annars þurrt. Hiti 0 til 5 stig, en vægt frost í innsveitum.