Jarðskjálftahrina sem mældist í Bárðarbungu í morgun tengist ekki gosóróa á svæðinu, samkvæmt upplýsingum sérfræðings á veðurstofu Íslands.
„Það er enginn gosórói eða neitt þannig og er svipað og hefur komið síðustu mánuði; svona stuttar hrinur með nokkrum kröftugum skjálftum,“ segir Bryndís Ýr Gísladóttir hjá Veðurstofu Íslands.
„Seinast var svona hrina um mánaðamótin janúar/febrúar,“ segir Bryndís en fylgst er með Bárðarbungu allan sólahringinn.