Íslandsbanki stóð fyrir fundi í Hofi á Akureyri í vikunni um málefni ferðaþjónustunnar.
Hörð gagnrýni kom fram í máli fundarmanna á Isavia, ekki síst fyrir samráðsleysi við ferðaþjónustuna, einkum úti á landi. Var Isavia lýst sem ríki í ríkinu.
Steingrímur Birgisson, forstjóri Hölds/Bílaleigu Akureyrar, segir í Morgunblaðinu í dag að rekstrarumhverfi fyrir fyrirtæki sem leigi aðstöðu á Keflavíkurflugvelli sé óþolandi. Hann telur að Isavia gæti stýrt ákveðinni flugumferð út á land ef vilji væri fyrir hendi og þannig dregið úr álagstoppum í Keflavík, að því er fram kemur í umfjöllun um mál þetta í Morgunblaðinu í dag.