Vinna stendur nú yfir við að rífa hluta Ísfélagshússins í Vestmannaeyjum, en ráðgert er að þar rísi félagslegar leiguíbúðir og sambýli auk íbúða á almennum leigumarkaði. Ferðaþjónustufyrirtæki hefur einnig sýnt áhuga á að nýta reitinn.
Bygging hússins hófst árið 1902, ári eftir stofnun félagsins. Starfsemi þar var hætt fyrir síðustu áramót og skrifstofur fyrirtækisins fluttar.
Í umfjöllun um niðurrif þetta í Morgunblaðinu í dag segir Elliði Vignisson bæjarstjóri segir að burðarvirki hússins muni halda sér að mestu. „Burðarvirkið í húsinu er gott og það sparar bæði fjármagn og tíma við endurbyggingu að halda eftir hluta af burðarvirkinu,“ segir hann. Húsið mun þannig að miklu leyti halda upphaflegri lögun sinni.