Óviðunandi framúrkeyrsla
Setja bókamerki
„Þessi framúrkeyrsla úr áætlunum er óviðunandi. Hún virðist fyrst og fremst stafa af ónógri greiningu á jarðfræði,“ segir Katrín Jakobsdóttir, formaður Vinstri grænna, um þau áform að ríkissjóður muni lána Vaðlaheiðargöngum 4,7 milljarða til að ljúka gangagerðinni.
Á ríkisstjórnarfundi í síðustu viku var samþykkt að leggja fram frumvarp sem heimilar þessa fjárhæðarhækkun eins fljótt og unnt er.
Katrín bendir á að margar opinberar framkvæmdir hafi farið fram úr áætlunum. Í upphaflegum áætlunum hafi verið gert ráð fyrir að ófyrirséður kostnaður vegna ganganna gæti numið allt að 7% af framkvæmdaáætlun. Áætlaður umframkostnaður vegna þeirra tafa sem orðið hafa nemur hins vegar um 44% af áætluðum stofnframkvæmdakostnaði miðað við verðlag upphaflegrar lánveitingar.
Framkvæmdin er einkaframkvæmd í samstarfi við ríkið. Katrín bendir á að í ljósi þess að ríkisstjórnin hefur boðað auknar einkaframkvæmdir í samgöngumálum gerir hún athugasemdir við þessi vinnubrögð sem þarf að skoða nákvæmlega og rýna frekar í.
Samkvæmt umferðarspám sem lágu fyrir fyrir framkvæmdina er umferðin þegar orðin meiri en spár gerðu ráð fyrir. Umferðinni var meðal annars ætlað að standa undir framkvæmdinni.
„Subbulega að þessu staðið“
„Ég fagna þessari framkvæmd sem slíkri en það var subbulega að þessu staðið,“ segir Einar Aðalsteinn Brynjólfsson, oddviti Pírata í norðausturkjördæmi. Hann mun ekki greiða atkvæði gegn frumvarpi um fjárhæðarhækkun til Vaðlaheiðarganga.
Einar bendir á að brýnt sé að vinnubrögðin við áætlanir um Vaðlaheiðargöngin endurtaki sig ekki. Hann segist treysta stofnunum ríkisins sem meta það sem svo að skaðinn sé meiri ef göngin standa ókláruð. „Við höfum ekkert annað val,“ segir Einar um aðkomu ríkisins.
Vannýtt alþjóðleg tækifæri í heilbrigðiskerfinu
Verðbólgan þrálátari en gert hafði verið ráð fyrir
Mældist á 174 km hraða í gegnum vinnusvæði
Spá launahækkunum nokkuð umfram kjarasamninga
„4-5% gólf sem við verðum bara að brjótast í gegnum“
Eldgosinu lokið en getum búist við öðru
Þrefalt stærra en gosin í desember og janúar