Vorið er mætt í Laugardalinn í Reykjavík en huðnurnar eru nefnilega byrjaðar að bera og krúttlegheitin því í hámarki í fjárhúsinu. Fjórar huðnur hafa borið samtals átta kiðlingum, tvær huðnur og sex hafrar. 

Faðir þeirra er hafurinn Djákni sem þrátt fyrir ríkidæmi sitt lætur sér fátt um finnast og slakar á á meðan á öllu þessu stendur.  Fyrstu kiðlingarnir komu í heiminn síðastliðinn 6 apríl og það var huðnan Frigg sem reið á vaðið og nú eru tvær óbornar, þær Fiða og Ronja. 

Ungarnir eru fyrstu vikurnar undir hitaperu. Ljósmynd/Húsdýragaðurinn

Þessa daganna berast líka tíðindi úr smádýrahúsinu því þar hafa ungar landnámshænsna verið að skríða úr eggjum. Þeir eru litfagrir eins og landnámshænsni eru þekkt fyrir og eyða fyrstu vikunum undir hitaperu svo þeim verði nú ekki kalt. 

Tengdar fréttir

Krúttleg dýr

Snerti gras í fyrsta skipti

• Kraftaverkamörgæs fannst eftir tvær vikur á sundi
• Eignaðist ofursjaldgæfan hvolp
• Fékk líf vegna litarhafts
• Klifraði inn um glugga á bíl og stal snakkpoka

» Fleiri tengdar fréttir

• Blogga um frétt