„Þetta var bara unglingagalsi,“ segir Guðmundur Marteinsson, framkvæmdastjóri Bónuss, spurður út í reyksprengjuna sem kastað var inn í anddyri verslunarinnar í Skeifunni í hádeginu.
Hann segir að engum hafi orðið meint af. Lögreglan mun í framhaldinu hafa samband við skóla unglinganna og talað verður við foreldra þeirra.
Guðmundur kannast ekki við að reyksprengju eða -bombu hafi áður verið kastað inn í Bónus. „Vonandi er þetta í fyrsta og eina skiptið,“ segir hann og bætir að engar skemmdir hafi orðið á versluninni.