Vegir eru að mestu auðir um allt land samkvæmt upplýsingum frá Vegagerðinni. Þó er hálka á Dynjandis- og Hrafnseyrarheiði en snjóþekja á Öxi og hálkublettir á Breiðdalsheiði og Mjóafjarðarheiði.
Veðurspáin næsta sólarhringinn gerir ráð fyrir austlægri átt á landinu, 5-13 metrum á sekúndu og rigningu eða slyddu með köflum. Sums staðar verður talsverð úrkoma sunnan til í kvöld og nótt og hvassari vindur.
Þurrt verður að mestu á Norðurlandi á morgun með hita að 13 stigum, en vætusamt annars staðar og hiti 4 til 8 stig.