Framkvæmdir á Sæbraut og Reykjanesbraut

Búast má við umferðartöfum á Reykjanesbraut og Sæbraut í dag. Til stendur að fræsa og malbika á Reykjanesbraut/Sæbraut til norðurs, frá slaufu niður af Miklubraut og að slaufu upp á Miklubraut. Verða báðar slaufurnar lokaðar á meðan.

Þrengt verður að umferð og má búast við lítilsháttar umferðartöfum. Lokanir verða merktar meðan á framkvæmd stendur. Áætlað er að framkvæmdirnar standi yfir frá kl. 9:00 til kl. 14:00 að því er fram kemur á vef Vegagerðarinnar.

Einnig er stefnt að því að malbika ramp frá hringtorgi við Hádegismóa niður á Suðurlandsveg til norðurs. Rampurinn verður lokaður á meðan og þrengt verður að umferð þar sem rampurinn kemur niður á Suðurlandsveginn. Búast má við lítilsháttar umferðartöfum. Lokanir verða merktar meðan á framkvæmd stendur. Áætlað er að framkvæmdirnar standi yfir frá kl. 14:00 til kl. 19:00.

Vegfarendur eru beðnir um að virða lokanir og hraðatakmarkanir og sýna aðgát við vinnusvæðin. Vinnusvæðin eru þröng og menn og tæki eru við vinnu mjög nálægt akstursbrautum.

• Blogga um frétt