Ferþegaferjan Herjólfur, sem siglir á milli Vestmannaeyja og Landeyjahafnar, er nú á heimleið eftir slipptöku. Ráðgert er að Herjólfur verði kominn aftur á áætlun milli lands og Eyja á föstudag, en nánari tímasetning verður uppgefin síðar.
Þá er um leið gert ráð fyrir því að farþegaferjan Baldur, sem hefur leyst Herjólf af síðastliðnar þrjár vikur, verði komin heim og í áætlun á Breiðafirði á laugardaginn.