Rafmagnslaust var að minnsta kosti í 35 mínútur á Barnaspítala Hringsins á þriðja tímanum í dag. Taka þurfti rafmagn af hluta spítalans þegar unnið var að tengingu vegna varaafls til að auka rekstraröryggi á Barnaspítalanum. Hins vegar varð rafmagnslaust í stærri hluta hússins en gert hafði verið ráð fyrir, til að mynd á legudeildum.
Samkvæmt upplýsingum frá Barnaspítalanum hafði þetta, eftir því sem best er vitað, engin teljandi vandræði í för með sér umfram óþægindi.