„Þurfum að klára þetta í dag“
Setja bókamerki
„Við þurfum að klára þetta í dag með einhverjum hætti,“ segir Njáll Trausti Friðbertsson, formaður stjórnskipunar- og eftirlitsnefndar Alþingis í fjarveru Brynjars Níelssonar.
Nefndin fundar klukkan 10 um tillögu dómsmálaráðherra um skipun dómara við Landsrétt.
„Við erum að halda áfram vinnu við málið. Við erum að fara í gegnum gögnin og reyna að fá frekari upplýsingar,“ segir hann.
Ekki er búið að boða annan fund um málið í dag en þrír fundir voru haldnir í gær. „Við ætlum að sjá hvernig þetta þróast.“
Að sögn Njáls Trausta hefur dómsmálaráðherra ekki verið boðaður á fundinn á eftir en hann hafði ekki upplýsingar um hverjir myndu koma fyrir nefndina í þetta sinn.
Á meðal þeirra sem komu fyrir nefndina í gær voru Sigríður Á. Andersen, dómsmálaráðherra, Reimar Pétursson, formaður Lögmannafélags Íslands, Ingibjörg Þorsteinsdóttir, varaformaður Dómarafélags Íslands, og Trausti Fannar Valsson, dósent við lagadeild Háskóla Íslands.
Frambjóðendur skila inn listum í Hörpu
Þyngri refsing fyrir að nauðga stjúpdóttur æskuvinar
Forsetinn líti yfir axlirnar á þingheimi
Breytingar á skipulagi fréttadeildar RÚV
Hvorki sést áður hér á landi né annars staðar
Mál hjúkrunarfræðingsins fer aftur fyrir héraðsdóm
Norskur lögreglumaður dæmdur
„Höfum ekki náð að skríða upp úr þeirri gryfju“