Hið árlega kvennahlaup ÍSÍ hófst í Garðabæ klukkan 14. Upphitun hófst hálftíma fyrr og eftir hana steig Eliza Reid, forsetafrú, á svið og hélt ræðu.
Hlaupið fór fram í morgun víða um land en einnig er hlaupið í dag.
Markmið Kvennahlaupsins er að hvetja og styðja konur á öllum aldri til aukinnar heilsueflingar. Kvennahlaupið höfðar til allra kvenna þar sem hægt er að velja mislangar vegalengdir.
Fyrsta Kvennahlaup ÍSÍ var haldið 30. júní árið 1990 í tengslum við Íþróttahátíð ÍSÍ.