„Mikilvægur áfangi fyrir höfuðsafn“

Frá undirritun samnings um að Náttúruminjasafn Íslands fái aðstöðu til ...
Frá undirritun samnings um að Náttúruminjasafn Íslands fái aðstöðu til sýningarhalds í Perlunni. mbl.is/Kristinn Magnússon

„Þetta er alveg feykilega mikilvægt skref. Þetta er fyrsta skipti sem safnið fær eigið rými til sýninga í þau tíu ár sem það hefur verið starfrækt. Það er býsna mikilvægur áfangi fyrir höfuðsafn,“ segir Hilmar J. Malmquist, forstöðumaður Náttúruminjasafns Íslands, sem í dag skrifaði undir samning við Perlu norðursins um að safnið fái aðstöðu til sýningarhalds í Perlunni. Um er að ræða 350 til 380 fermetra rými til að byrja með.

„Aðstaðan er alveg hreint frábær og húsnæðið glæsilegt. Það verður gaman að setja upp hérna í húsinu. Það er líka hægt að vinna með alla umgjörðina hérna í Öskjuhlíðinni,“ bætir hann við, en fyrirhugað er að sýning Náttúruminjasafns Íslands opni á nýrri annarri hæð Perlunnar í tengslum við 100 ára afmæli fullveldis Íslands árið 2018.

Frétt mbl.is: Náttúruminjasafn fær aðstöðu í Perlunni

„Það eru þó mörg ljón eftir á veginum. Það á til að mynda eftir að tryggja fjármögnun. Fyrsta verkið okkar núna, sem er í raun farið af stað, er að mynda hönnunarteymi. Við ætlum að máta nokkrar innsetningar inn í rýmið okkar og kostnaðarmeta verkefnið. Þetta á að liggja fyrir í haust og þá kemur til kasta Alþingis sem tekur ákvörðun um hvort verði af fjármögnuninni,“ útskýrir Hilmar.

Krökkum á að þykja spennandi að koma

Hann segir það mun hagkvæmara fyrir ríkið að vinna með einkaaðila líkt og Perlu norðursins, heldur en að koma upp nýju húsnæði. „Það er auðvitað framtíðardraumurinn, en hann rætist ekki alveg í bráð. Það er langtímamarkmiðið engu að síður. Það er gott fyrir safnið að byrja í áföngum. Á næsta ári stendur safninu jafnvel til boða um 400 fermetra flötur til viðbótar í nýjum tanki Perlunnar.“

Safnið á ýmsa muni sem verður komið fyrir í rýminu, en fleiri stofnanir og einstaklingar eiga líka muni sem verða nýttir. „Þetta snýst mikið um að setja hlutina saman á réttan hátt og setja þá þannig fram að þeir kveiki áhuga og ánægju. Við skulum heldur ekki gleyma að þetta er fræðslu- og menntastofnun og við munum leggja ríka áherslu á yngsta skólastigið, þar með talið leikskólana. Þetta á að vera lifandi vettvangur, hér verða lifandi lífverur og krökkunum á að þykja það virkilega spennandi að koma hér, og jafnframt fræðandi.“

Náttúruminjasafn Íslands var stofnsett með lögum vorið 2007, en rætur þess liggja þó aftur til ársins 1889 þegar Hið íslenska náttúrufræðifélag var stofnað, með það meginmarkmið að koma upp sem fullkomnustu náttúrugripasafni á Íslandi. Náttúruminjasafn Íslands er eitt þriggja höfuðsafna landsins auk Listasafns Íslands og Þjóðminjasafns Íslands og heyrir það undir mennta- og menningarmálaráðuneyti.

mbl.is

Innlent »

Íhuga einstefnu á hluta Þingvallavegar

20:20 Það er til skoðunar að gera hluta Þingvallavegar að einstefnuvegi. Rúta með 43 farþega valt á veginum í síðustu viku þar sem ástand vegarins er verst. Meiri háttar framkvæmdir eru fyrirhugaðar á veginum og standa vonir til að þær geti hafist í nóvember. Meira »

Fólk sækir í nábrækurnar

20:10 „Það sem dregur fólk aðallega að safninu er sagan. Það vinsælasta hér eru nábrækurnar,“ segir Sigurður Atlason, eigandi Galdrasafnsins á Hólmavík, en safnið varð á dögunum 17 ára og er fyrir löngu orðinn fastur punktur í tilveru Hólmvíkinga sem helsti ferðamannastaður bæjarins. Meira »

Skálholt ekki í eigu ríkisins

19:15 Skálholtskirkja er ekki í eigu ríkisins, þetta segir vígslubiskup Skálholts, sem kveður kirkjuna ekki hafa verið í eigu ríkisins í 50 ár. Í ræðu sinni á Skálholtshátíðinni lét dóms­málaráðherra þau orð falla að sinni ríkið ekki viðhaldi á fá­gæt­um menn­ing­ar­eign­um í eigu þess, eigi ríkið að koma þeim annað. Meira »

Of þungar rútur aka um Þingvelli

18:55 Of þungar rútur aka Gjábakkaveg í þjóðgarðinum á Þingvöllum en Vegagerðin takmarkar öxulþyngd á veginum við 8 tonn. Rútur fá hins vegar að keyra þar á undanþágu. Gert verður við veginn á næstunni en ástand hans er mjög slæmt. Ljóst er að fjölmargar rútur sem eru um 20 tonn fara um veginn. Meira »

Grasnytjar í hallæri og harðindum

18:44 Hvað ef hér yrði ekki bara hrun heldur líka hallæri og harðindi, landið einangrað frá umheiminum og okkur væru allar utanaðkomandi bjargir bannaðar? Trúlega færu allir sem vettlingi gætu valdið að stunda sjálfsþurftarbúskap, sem m.a. fælist væntanlega í að leita sér ætis út um allar koppagrundir. Meira »

Kveikti ekki í bílnum með ákveðinn tilgang í huga

18:35 Maðurinn sem grunaður er um að hafa kveikt í bifreið hjá Vogi við Stórhöfða á föstudaginn er enn í gæsluvarðhaldi og er málið enn í rannsókn hjá lögreglu. Meira »

Robert Downey ekki með virk réttindi

17:52 Robert Downey, áður Róbert Árni Hreiðarsson, hefur ekki óskað eftir því að lögmannsréttindi sín verði endurvirkjuð, og er því ekki á skrá Lögmannafélags Íslands yfir lögmenn hér á landi. Meira »

Staðið til síðan ríkið eignaðist jörðina

18:20 Björt Ólafsdóttir umhverfisráðherra mun á morgun undirrita reglugerð sem felur í sér friðlýsingu Jökulsárlóns. Lónið mun því frá og með undirrituninni á morgun verða hluti af Vatnajökulsþjóðgarði. Meira »

Öll sveitarfélögin sýna vináttu í verki

17:24 Yfir 40 milljónir króna hafa safnast í Landssöfnun Hjálparstarfs kirkjunnar, Kalak og Hróksins, Vinátta í verki, vegna náttúruhamfaranna á Grænlandi. Þá hafa öll sveitarfélögin 74 lagt söfnuninni lið. Meira »

Hundrað tonnum landað í brakandi blíðu

17:12 Ljósafellið hefur nú nýlokið við að landa um 100 tonnum af fiski á Fáskrúðsfirði. Uppistaðan í aflanum er þorskur sem fer til vinnslu í frystihús Loðnuvinnslunnar og ufsi sem fer á fiskmarkað. Meira »

Skólpmengun hefur ekki áhrif á Kópavog

16:55 Svo virðist sem skólpmengunin við Faxaskjól hafi ekki áhrif á svæði innan Kópavogs. Mælingar voru gerðar í síðustu viku og verða þær endurteknar á fyrrihluta ágústmánaðar. Meira »

Myndaði kvenkyns gesti laugarinnar

16:32 Starfsmaður sundlaugarinnar á Sauðárkróki er nú til rannsóknar hjá lögreglu vegna gruns um að hafa tekið ljósmyndir af kvenkyns gestum laugarinnar. Þetta staðfestir Stefán Vagn Stefánsson, yfirlögregluþjónn á Sauðárkróki, en lögregla hefur lagt hald á tölvur og annan tækjabúnað vegna rannsóknarinnar. Meira »

Sleit óvart ljósleiðarastrenginn

16:20 Ljósleiðari á Vestfjörðum fór í sundur klukkan hálftvö í dag með þeim afleiðingum að truflanir eru á útvarpssendingum, sjónvarpssendingum og netsambandi. Bilunin varð er veitufyrirtæki sleit óvart ljósleiðarastrenginn. Meira »

Starfsemin ekki komin í gang

15:20 Starfsemi kísilmálmsmiðju United Silicon í Helguvík er ekki enn farin í gang. Endurhönnun á töppunarpalli og sumarleyfi hafa tafið framkvæmdir. Að sögn Kristleifs Andréssonar, yfirmanns öryggis- og umhverfismála hjá United Silicon, er vonast til að ofninn fari í gang á fimmtudag. Meira »

Lítið um blóð í bankanum

14:45 Blóðbankinn leitar blóðgjafa í öllum blóðflokkum til þess að anna mikilli eftirspurn. „Við þurfum að minna blóðgjafa á okkur núna,“ segir Jórunn Ósk Frímannsdóttir Jensen, forstöðumaður blóðsöfnunar hjá Blóðbankanum. Mikil notkun blóðs veldur því að blóð vantar í alla flokka. Meira »

Jökulsárlón friðlýst á morgun

16:06 Björt Ólafsdóttir, umhverfis- og auðlindaráðherra, mun á morgun undirrita reglugerð sem felur í sér friðlýsingu Jökulsárlóns og nærliggjandi svæðis sem hluta Vatnajökulsþjóðgarðs. Þetta kemur fram í tilkynningu frá ráðuneytinu. Meira »

María Rut verkefnastjóri Tónlistarborgarinnar Reykjavíkur

14:59 María Rut Reynisdóttir hefur verið ráðin verkefnastjóri Tónlistarborgarinnar Reykjavíkur úr hópi 35 umsækjenda. Hlutverk Maríu Rutar verður meðal annars að móta og ýta úr vör aðgerðum og skapa hagstæð skilyrði fyrir tónlistarstarfsemi í borginni. Meira »

Sæbjúgnaveiðar bannaðar í Faxaflóa

14:43 Sjávarútvegsráðuneytið hefur gert allar veiðar á sæbjúgum óheimilar frá og með deginum í dag, á tilteknu svæði á Faxaflóa. Þetta kemur fram í reglugerð ráðuneytisins, sem sögð er falla úr gildi 31. ágúst næstkomandi. Meira »
Húsnæði óskast til leigu
Hjón á sextugsaldri óska eftir góðu húsnæði með a.m.k. þremur svefnherbergjum. L...
Vatnshitarar fyrir sumarhús.
Ýmsar gerðir af vatnshiturum 3300w til 21000w fyrir sumarhús, þessi búnaður er f...
SUMARHÚS - GESTAHÚS - BREYTINGAR
Sumarhús - Gestahús - Breytingar ? Framleiðum stórglæsileg sumarhús í ýmsum stær...
Nudd Nudd Nudd
Relaxing Nudd Down Town Reykjavik, S. 6959434, Alima...
 
Deiliskipulag
Tilboð - útboð
Kjósarhreppur Kjósarhreppur a...
Samkoma
Félagsstarf
Samkoma kl. 20 í Kristniboðs- salnum. R...
Breyting á aðal- og deiliskipulagi
Tilkynningar
Auglýsing um skipulag á Akranesi Till...
Aðalfundur
Fundir - mannfagnaðir
Aðalfundur Hollvinasamtaka Heilsustofn...