Annar heimsmeistaratitill Íslendinga er í höfn á HM í hestaíþróttum Hollandi. Gústaf Ásgeir Hinriksson átti örugga sýningu á Pistli frá Litlu-Brekku í fjórgangi ungmenna í dag og hlutu þeir 6,80 í einkunn.
Þetta kemur fram í tilkynningu.
Anna Bryndís Zingsheim varð fyrir því óhappi að hryssan hennar Náttrún vom Forstwald missti skeifu og gat hún því ekki klárað úrslitin.
Hin þýska Olivia Ritschel lenti einnig í brasi en hennar hestur hljóp upp á brokkinu, Hún átti í erfiðleikum með að hægja niður svo hún yfirgaf völlinn.