Eldur kom upp í húsi í Hafnarfirði nú laust eftir hádegi. Slökkviliðið á höfuðborgarsvæðinu er á staðnum og virðist hafa náð tökum á eldinum.
Uppfært kl. 14.14:
Eldurinn kom upp í nýbyggingu við Álfaskeið. Tilkynnt var um brunann klukkan 13.42 til slökkviliðisins á höfuðborgarsvæðinu.
Búið er að slökkva eldinn og verið er að vinna að því að reykræsta. Að sögn slökkviliðs var verið að sjóða þakpappa og kviknaði eldur út frá því. Enginn var fluttur á sjúkrahús en ekki er vitað um umfang tjónsins.