Nýr kjarasamningur skurðlækna
Setja bókamerki
Samninganefnd Skurðlæknafélags Íslands skrifaði undir nýjan kjarasamning um kvöldmatarleytið í gær eftir fjórða samningafund sinn með samninganefnd ríkisins.
Samningurinn gildir til loka apríl árið 2019.
Eiríkur Orri Guðmundsson, formaður samninganefndar skurðlækna, sagðist í samtali við mbl.is vera ánægður með samninginn en gat ekki tjáð sig nánar um hann.
Kjarasamningurinn verður borinn undir félagsmenn í næstu viku.
Síðasti kjarasamningur skurðlækna var undirritaður í janúar árið 2015 eftir verkfall sem hafði mikil áhrif á starfsemi Landspítalans. Hann átti að renna út í dag.
Liðlega eitt hundrað skurðlæknar þiggja laun samkvæmt kjarasamningi Skurðlæknafélags Íslands en skurðlæknar eru einnig í Læknafélagi Íslands, sem samþykkti nýjan kjarasamning fyrr í sumar.
Tengsl við undirheima ekki hluti af rannsókninni
Velferð ekki gefin
„Staðan er grafalvarleg“
„Við erum ekki hafin yfir gagnrýni“
Er 83% skattur á hagnað hæfilegur?
Enn langt í að rannsókn málsins ljúki
Hefði ekki lagst gegn samþykkt sáttmálans
„Hann skók húsið aðeins“