Nálgunarbann gagnvart barnsmóður staðfest

Maðurinn má ekki nálgast konuna með neinum hætti, en þetta ...
Maðurinn má ekki nálgast konuna með neinum hætti, en þetta er í annað sinn sem hann sætir nálgunarbanni gagnvart henni. mbl.is/Ófeigur Lýðsson

Hæstiréttur Íslands hefur staðfest úrskurð Héraðsdóms Reykjaness að karlmaður skuli sæta nálgunarbanni gagnvart barnsmóður sinni allt til 22. janúar næstkomandi. Maðurinn má ekki koma í námunda við heimili konunnar á því svæði sem afmarkast við lóðamörk fjölbýlishúss sem hún býr í. Jafnframt er lagt bann við því að hann veiti henni eftirför, nálgist hana á almannafæri, hringi í heima-, vinnu- eða farsíma hennar, sendi henni tölvupóst eða setji sig í samband við hana beint á annan hátt.

Er þetta í annað sinn sem manninum gert að sæta nálgunarbanni gagnvart konunni en í fyrra skiptið braut hann gegn banninu sex sinnum á tveggja vikna tímabili. Var hann sakfelldur fyrir þau brot og gert að sæta fangelsi í 18 mánuði en fullnustu 17 mánaða refsingar var frestað í tvö ár.

Í úrskurði héraðsdóms segir að brotaþoli og kærði hafi verið í sambúð og eigi saman tvö ung börn. „Við skoðun í dagbók lögreglu megi sjá að lögregla hafi reglulega undanfarin ár, haft afskipti af kærða og kæranda vegna ágreinings þeirra í millum sem m.a. hafi leitt til þess að kærandi hefur verið beitt ofbeldi,“ segir í úrskurðinum. Um er að ræða húsbrot, eignaspjöll á heimili brotaþola og líkamsárás gagnvart henni, en eftir síðastnefnda brotið var maðurinn úrskurður í nálgunarbann gagnvart konunni í fyrra skiptið.

Reyndi að sættast í kjölfar nálgunarbanns 

Konan gaf skýrslu hjá lögreglu í lok ágúst þar sem hún skýrði frá því að í kjölfar þess nálgunarbanns hefði hún reynt að sættast við manninn þar sem hann hefði verið að taka sig á. Hann hefði farið í meðferð en ekki klárað hana. Samskipti þeirra hafi gengið vel í fyrstu en þau hafi svo farið versnandi vegna ástands ákærða. Konan taldi að hann væri aftur farinn að neyta fíkniefna og í kjölfarið tjáði hún honum að hann fengi ekki að hitta börnin í slíku ástandi og hætti samskiptum við hann.

Hún hafi hins vegar, í samráði við aðra barnsmóður ákærða, ákveðið að leyfa honum að hitta börnin að þeim viðstöddum. Þann sama dag hringdi hann í hina barnsmóðurina og kallaði brotaþola „hóru og druslu auk þess sem hann hefði hótað að drepa brotaþola ef hann fengi ekki að hitta börnin.“ Upptaka liggur fyrir af samtalinu og þar heyrist maðurinn meðal annars segja að ef konan „komi ekki með drengina ætli hann að stúta henni, hann langi að berja hana, hann langi að drepa hana og hann muni einn daginn ,,snappa“ aftur á hana. Jafnframt heyrist hann segja að hann hafi tekið brotaþola hálstaki vegna þess að hún hafi sagt við hann að hann ætti ekki börnin.“

Maðurinn setti sig einnig í samband við konuna með smáskilaboðum, hringdi í hana og hótaði að taka eigið líf ef hann fengi ekki að hitta syni sína. Það væri þá á hennar ábyrgð.

Handtekinn á heimili barnsmóðurinnar

Þann 6. september síðastliðinn kom maðurinn svo á heimili konunnar og óskaði hún eftir aðstoð lögreglu. Maðurinn var handtekinn og færður á lögreglustöð. Fór lögreglustjórinn á Suðurnesjum í kjölfarið fram á að héraðsdómur staðfesti ákvörðun um nálgunarbann.

Í greinargerð lögreglu segir að maðurinn neiti sakargiftum og kveðst hann bara hafa viljað hitta strákana sína. Þó hann hafi hótað barnsmóður sinni myndi hann aldrei gera henni mein. Hann segist vera með þráhyggjuröskun sem sé erfiður sjúkdómur en hann taki inn lyf vegna hans.

Lögreglustjórinn á Suðurnesjum telur hættu á að maðurinn muni brjóta aftur gegn brotaþola verði nálgunarbanni ekki beitt. Verndarhagsmunir séu taldir standa til þess að tryggja konunni þann rétt að geta hafst við á heimili sínu og geta verið óhult gagnvart yfirvofandi ófriði af hálfu ákærða. Ekki var talið að unnt væri að vernda friðhelgi hennar með vægari hætti eins og sakir standa. Héraðsdómur staðfesti úrskurð lögreglustjóra og nú hefur Hæstiréttur staðfest þann úrskurð.

mbl.is

Innlent »

Sagðist bara þurfa að fá að ríða henni

08:58 Grófar nauðgunarhótanir, ummæli á borð við að stjórnmálamaður þurfi „bara að fá að ríða“ viðkomandi stjórnmálakonu og óviðeigandi snertingar eru meðal þeirra frásagna sem stjórmálakonur deildu sín á milli í lokuðum hópi á Facebook. Meira »

Skólahald fellt niður á Akureyri

08:52 Ákveðið hefur verið að fella niður allt skólahald í leik- og grunnskólum á Akureyri vegna veðurs. Skólahald hefur einnig verið fellt niður í Verkmenntaskóla Akureyrar og Menntaskólanum á Akureyri. Meira »

Krefjast þess að karlar taki ábyrgð

08:31 Á fimmta hundrað stjórnmálakonur hafa sent frá sér sameiginlega áskorun þar sem þess er krafist að karlar taki ábyrgð og að stjórnmálaflokkar taki af festu á stöðu mála varðandi kynferðisofbeldi og áreitni í íslenskum stjórnmálum. Meira »

Endurhæfing sjúkra er fundið fé

08:18 Aðeins er hægt að sinna rúmlega helmingi beiðna sem berast frá læknum víðs vegar að af landinu um endurhæfingu skjólstæðinga þeirra á Reykjalundi, að sögn forstjórans þar, Birgis Gunnarssonar. Meira »

Rafmagn komst aftur á um eittleytið

08:16 Rafmagn á Austurlandi var alls staðar komið á aftur um klukkan eitt í nótt en það byrjaði að fara af um einum og hálfum tíma fyrr. Meira »

Stórhríð í Hvalfirði

08:01 Stórhríð er í sunnanverðum Hvalfirði og þæfingsfærð að því er fram kemur á vef Vegagerðarinar. Á Vesturlandi er víða hvasst, en víðast er þó verið að hreinsa vegi í kringum þéttbýli. Brattabrekka er þungfær en þæfingsfærð er á köflum á Snæfellsnesi. Holtavörðuheiði er enn lokuð. Meira »

Fékk aðsvif og lenti á staur

07:46 Slökkviliðið á höfuðborgarsvæðinu var kallað til um fimmleytið í morgun vegna bíls sem hafði lent á staur við Hringbrautina. Hafði ökumaðurinn fengið aðsvif við aksturinn. Meira »

Gullaldarliðs Akurnesinga verði minnst

07:57 Bæjarráð Akranes hefur falið menningar- og safnanefnd bæjarins til úrvinnslu hugmyndir Gunnars Sigurðssonar um það hvernig bærinn geti minnst frumkvöðla íþróttalífsins á Akranesi. Meira »

Símalaus sunnudagur Barnaheilla

07:37 „Með símalausum sunnudegi erum við að vekja athygli á því hversu stór hluti símarnir eru orðnir af lífi okkar. Við eyðum oft dýrmætum tíma fjölskyldunnar með símann á lofti.“ Meira »

Veðurviðvaranir enn í fullu gildi

07:19 Veðurstofan vekur athygli á því að viðvaranir eru í gildi víða um land fram eftir degi og austantil fram á laugardag. Útlit er fyrir norðanhvassviðri eða -storm næsta sólarhring með snjókomu eða éljagangi á norðan- og austanverðu landinu, roki eða jafnvel ofsaveðri suðaustantil. Meira »

„Kolófært og slæmt skyggni“

07:05 Björgunarsveitir voru ræstar út á sjöunda tímanum í morgun til að aðstoða bíl sem er fastur í nágrenni Þelamerkur í Hörgársveit. Að sögn lögreglunnar á Akureyri er kolófært og slæmt skyggni í Hörgársveit. Meira »

Bauð 676 milljónir í lóð á Kirkjusandi

06:32 Húsvirki hf. átti hæsta tilboðið í byggingarétt og kaup á íbúðum á lóðinni nr. 1 við Hallgerðargötu á Kirkjusandi. Fyrirtækið bauð 676 milljónir króna. Umhverfis- og skipulagssviðs Reykjavíkurborgar stóð að útboðinu og voru tilboð opnuð í gærmorgun. Meira »

Verbúðirnar verði friðaðar

06:28 Stjórn Faxaflóahafna hefur samþykkt að fela hafnarstjóra að leggja fram tillögu á næsta fundi stjórnar hvernig standa megi að friðun verbúðanna við Geirsgötu þar sem miðað verði við friðun á þeim reit sem húsin standa á eða ytra útliti húsanna. Meira »

Hlutfall einstaklinga í íbúðarkaupum eykst

06:18 Hlutfall einstaklinga í kaupum á íbúðarhúsnæði á höfuðborgarsvæðinu hefur farið hækkandi á síðustu misserum. Það var 93,6% á 3. ársfjórðungi í ár sem er hæsta hlutfallið síðan á 2. fjórðungi 2012. Meira »

Fékk skilorði í kannabissúkkulaðimálinu

06:09 „Ég er ekkert ósátt við dóminn, að sjálfsögðu ber ég ábyrgð á mínum gjörðum eins og annað fullorðið fólk,“ segir Málfríður Þorleifsdóttir, íslensk kona búsett í Danmörku sem í gær var dæmd í sex mánaða skilorðsbundið fangelsi fyrir aðild sína að „kannabissúkkulaðimálinu“. Meira »

Ekki ætti að kjósa um viðhaldsverkefni

06:24 „Ég tel að halda eigi áfram með þetta, en leita allra leiða til að virkja borgarbúa enn frekar til þátttöku,“ segir Halldór Halldórsson, oddviti sjálfstæðismanna í borgarstjórn Reykjavíkur, um íbúalýðræðisverkefnið „Hverfið mitt“ sem Reykjavíkurborg stóð fyrir á netinu. Meira »

Íhuga mál gegn borginni

06:12 Borgarráð Reykjavíkur samþykkti í gær deiliskipulagstillögu um Landsímareit við Austurvöll sem heimilar hótelbyggingu á reitnum. Málið fer til fullnaðarafgreiðslu á borgarstjórnarfundi 5. desember. Meira »

Greiddu offituaðgerð

06:06 Dæmi eru um að stéttarfélög hafi tekið þátt í kostnaði félagsmanna sinna við offituaðgerðir sem gerðar eru á einkareknum stofum. Verkfræðingafélag Íslands hefur greitt 2/3 af kostnaði tveggja félagsmanna við slíkar aðgerðir og fleiri stéttarfélög fá beiðnir um slíkt. Meira »

Mátturinn eða dýrðin - Greinaflokkur

Félagsstarf
Staður og stund
Aflagrandi 40 Opin vinnustofa kl. 9, for...
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Eldri borgarar
Staður og stund
Aflagrandi 40 Opin vinnustofa kl. 9 og j...
Eldri borgarar
Staður og stund
Aflagrandi 40 Opin vinnustofa kl. 9 og g...