Stjórnarmenn Bjartrar framtíðar, sem hugnaðist ekki framlögð tillaga um að slíta stjórnarsamstarfi við Sjálfstæðisflokk og Viðreisn á stjórnarfundi Bjartrar framtíðar á fimmtudagskvöld, lögðu til að Sigríður Andersen dómsmálaráðherra og Bjarni Benediktsson forsætisráðherra vikju úr ríkisstjórninni í því augnamiði að halda stjórnarsamstarfinu áfram.

Þetta segir Nicole Leigh Mosty, þingmaður flokksins, en hún greiddi sjálf atkvæði með tillögunni. „Það voru sjónarmið um að Bjarni og Sigríður vikju frá og svo komu líka upp sjónarmið um að við hægðum aðeins á, tækjum okkur meiri tíma í að ræða þessa ákvörðun og ræddum aðrar leiðir,“ segir Nichole í Morgunblaðinu í dag.

87% fundarmanna samþykktu að slíta stjórnarsamstarfinu, en fundinn sóttu alls um 50 manns. Sex greiddu atkvæði gegn tillögunni og einn greiddi ekki atkvæði.

Tengdar fréttir

Stjórnarsamstarfi slitið

Skapa svigrúm og nýtt þing tekur afstöðu

• Allir flokkar nema tveir náðu samkomulagi
• Sigurður Ingi ekki á fundi formanna
• Formenn flokkanna hittast í dag
• „Þeir brugðust sem stóðu manni næst“

» Fleiri tengdar fréttir