Vann tæpar 24 milljónir króna í Lottó

Einn heppinn Lottóspilari var með allar tölur réttar í Lottó-útdrætti vikunnar og er orðinn 23,8 milljónum króna ríkari. Lukku-Lottómiðann sinn keypti hann í 10-11 við Suðurfell í Reykjavík.

Þá var einnig einn miðaeigandi með bónusvinninginn og hlýtur hann 396 þúsund krónur í vinning. Miðinn var keyptur í N1 við Lækjargötu í Hafnarfirði.  

Sex miðar voru með fjórar Jókertölur í réttri röð og færa þeir eigendum sínum 100 þúsund krónur í vinning. Miðarnir voru keyptir á eftirtöldum stöðum; Olís við Álfheima í Reykjavík, Olís á Húsavík, Ak-inn á Akureyri, Hagkaup við Eiðistorg á Seltjarnarnesi, Shellskálanum í Þorlákshöfn og einn miðinn er í áskrift.

mbl.is
Fleira áhugavert
Fleira áhugavert