Vegagerðarmenn sem nú vinna að byggingu bráðabirgðabrúar yfir Steinavötn í Suðursveit vænta þess að hún geti orðið tilbúin strax á fimmtudag eða í síðasta lagi fyrir helgina.

Rífandi gangur hefur verið í framkvæmdum og Sveinn Þórðarson, verkstjóri í brúarvinnuflokki Vegagerðarinnar, bjóst við því að undir lok vinnudags í gær yrði búið að leggja stálbita á helming brúarhaftsins, þar sem fimm stöplar hafa verið reknir niður. Forsmíðaðar einingar með gólfi brúarinnar eru svo lagðar ofan á bitana sem eru alls sjö.

Tuttugu karlar vinna nú við brúarsmíðina en þeir mættu á staðinn á föstudag og hófust þá þegar handa. Vinnudagurinn hefst klukkan sjö á morgnana og verið er að fram til klukkan ellefu á kvöldin, að því er fram kemur í umfjöllun um mál þetta í Morgunblaðinu í dag.

Tengdar fréttir

Miklir vatnavextir á Suðausturlandi

317 milljónir vegna flóða

• Mesta tjónið á sauðfé varð í aurskriðu
• Nýja brúin opnuð
• Brúarsmíði langt komin við Steinavötn
• Bílaumferð bönnuð yfir Steinavötn

» Fleiri tengdar fréttir