Samfylkingin bætir við sig fimm prósentustigum í nýjum Þjóðarpúlsi Gallup frá þingkosningunum fyrir rúmum mánuði síðan. Flokkurinn mælist með 17% fylgi en fékk 12,1% fylgi í kosningunum.
Þetta kom fram í útvarpsfréttum RÚV.
Sjálfstæðisflokkurinn mælist með mest fylgi, eða 24%, en flokkurinn var með 25,2% í kosningunum.
Vinstri græn mælast með rúmlega 16% fylgi, sem er aðeins minna en í kosningunum.
Píratar og Framsóknarflokkurinn mælist með 10,4% fylgi og Viðreisn 7%.
Miðflokkurinn mælist með með tæplega 7% fylgi en var með tæp 11% í kosningunum.
Flokkur fólksins mælist með 6,4% fylgi en aðrir flokkar með rúm 2%, þar af Björt framtíð með rúmt 1%.
5% tóku ekki afstöðu.
Skoðanakönnunin var gerð dagana 8. til 30. nóvember þegar stjórnarmyndunarviðræður VG, Sjálfstæðisflokksins og Framsóknarflokksins stóðu yfir.