Maður sem grunaður er um alvarlegt heimilisofbeldi gegn og tilraun til manndráps gegn konu er laus úr varðhaldi. Hæstiréttur hafnaði kröfu lögreglu um að maðurinn sæti gæsluvarðhaldi á grundvelli rannsóknarhagsmuna.
Þetta staðfestir Guðmundur Páll Jónsson lögreglufulltrúi í samtali við mbl.is. Maðurinn er því laus úr haldi en lögregla rannsakar málið sem tilraun til manndráps.
Héraðsdómur hafði úrskurðað manninn í gæsluvarðhald til 15. desember en Hæstiréttur hefur snúið þeirri niðurstöðu.
Atvikið átti sér stað aðfaranótt sunnudags en maðurinn er 22 ára og konan fimm árum eldri. Konan var flutt á slysadeild eftir árásina en hún var með talsverða áverka en Guðmundur segir að það sé ekki manninum að þakka að ekki fór verr.