Spólandi strætisvagnar stöðvuðu umferð
Setja bókamerki
Spólandi strætisvagnar sem komust ekki leiðar vegna hálku ollu töfunum sem urðu á umferð um Vatnsendahverfið í Kópavogi í morgun.
Að sögn Gunnars Hilmarssonar aðalvarðstjóra tókst að greiða úr vandanum þegar starfsmenn bæjarins komu og söltuðu vegina.
Vagnarnir sátu fastir í um tuttugu mínútur við Urðarhvarf og Ögurhvarf og fyrir vikið tafðist umferðin mikið.
Spurður út í tafir annars staðar í efri byggðum Kópavogs segist Gunnar ekki hafa haft fregnir af þeim. Engin umferðaróhöpp urðu vegna hálkunnar.
Ekki byrjaðir að sekta
Gunnar segir ástandið vissulega hafa verið óvenjulegt, enda flestir komnir á sumardekk. „Ég man ekki eftir svona snjókomu í maí. Það geta alltaf komið él en þetta er svolítið sérstakt,“ segir hann.
Sekt fyrir notkun nagladekkja fjórfaldaðist um síðustu mánaðarmót, eða úr 5 þúsund krónum á dekk í 20 þúsund krónur.
Aðspurður segir Gunnar lögregluna ekki byrjaða að sekta ökumenn fyrir notkun á nagladekkjum, þrátt fyrir að hún hafi verið óheimil frá 15. apríl.
„Við erum aðeins að halda að okkur höndum.“
Lögreglan leitar eftir myndefni í tengslum við andlátið
Of margir nemendur og ákall um hæft starfsfólk
Óánægja er með áform um efnistöku
Tveir í haldi grunaðir um mansal og smygl á fólki
Glæpastarfsemi orðin mun skipulagðari
Vangaveltur gengu lengra en innistæða var fyrir
Davíð Viðarsson var skyndihugdetta
740 milljón króna sígarettusmygl