Telja atkvæðagreiðslu Eflingar ólögmæta
Setja bókamerki
Samtök atvinnulífsins hafa skorað á stéttarfélagið Eflingu að „stöðva nú þegar“ atkvæðagreiðslu um verkfall sem koma á til framkvæmda 8. mars næstkomandi. SA telja ólöglega staðið að atkvæðagreiðslu um verkfallið. Þetta kemur fram í tilkynningu á vef samtakanna.
„Samkvæmt lögum um stéttarfélög og vinnudeilur er heimilt að láta vinnustöðvun einungis ná til ákveðins hóps félagsmanna en þá er ákvörðun tekin með atkvæðum þeirra sem vinnustöðvun er ætlað að taka til.
Samkvæmt fréttum áætlar Efling að verkfallið nái til 700 félagsmanna en félagið hefur hins vegar boðið yfir 8.000 félagsmönnum að taka þátt í atkvæðagreiðslu um verkfallið. SA telja það fyrirkomulag ólögmætt enda mætti með þeim hætti fá verkfall samþykkt jafnvel þótt allir þeir sem vinnustöðvun er ætlað að taka til greiði atkvæði gegn verkfalli,“ segir á vef SA.
Fram kemur á vef SA að ef Efling bregðist ekki við þessari áskorun muni samtökin höfða félagsdómsmál gegn stéttarfélaginu og að niðurstaða dómsins muni liggja fyrir áður en verkfalli er ætlað að koma til framkvæmda.
„Höfum ekki náð að skríða upp úr þeirri gryfju“
Krefjast stöðvunar framkvæmda
Bergnuminn í Hvalfirði
Hvorki sést áður hér á landi né annars staðar
Banna mengandi búnað sem leyfður er á Íslandi
Nemendur í HÍ reistu tjaldbúðir án leyfis
Sex hafa greinst með listeríu
Telur forsendur fyrir vaxtalækkun