Flóttamannaleið, öðru nafni Elliðavatnsvegi sem liggur meðal annars á milli uppsveita Garðabæjar og Hafnarfjarðar rétt fyrir ofan Urriðavatn, hefur verið lokað vegna umferðaróhapps.
Þetta kemur fram á Facebook-síðu lögreglunnar á höfuðborgarsvæðinu.
Samkvæmt upplýsingum frá slökkviliðinu á höfuðborgarsvæðinu valt söltunarbíll og endaði á fólksbíl. Engin slys urðu á fólki.
Auk þess valt bíll í hálkunni á Dalvegi í Kópavogi á níunda tímanum í morgun. Ökumaðurinn slapp ómeiddur en fljúgandi hálka er á höfuðborgarsvæðinu.